بسم الله الرحمن الرحيم
انا حابة أقول رأيي اللي إن شاء الله بقدر المستطاع هاقوله في كل مكان على النت أو في الشغل عشان الكل يستفيد منه .
كنت محتاجة أدرس البرنامج دا بالذات بالتخصص الدقيق دا عشان أستفيد منه في شغلي بس كان سبب عدم دراستي له هو خوفي من اللغة ، لأني كل ما دورت على البرنامج دا ألاقيه مقدم باللغة الانكليزية بس . بس لقيت دورات تدريبية كتير أوي و كورسات بالعربي بس كانت سطحية جداً جداً . أخدت وقت كتير أفكر في اني ابدأ ادرس لغة كويس الأول عشان اقدر اخد الشهادة دي ، اخد تويفل أو ايليتس ، لأن في جامعات بتقبل تويفل بس و جامعات بتقبل ايليتس بس . و عشان كدة كان لازم الأول أدور على المكان الي هدرس فيه عشان اعرف هو محتاج ايه منهم و ابدأ اسجل فيه . و انا بدور على النت لقيت برنامج ماجستير في الإدارة المالية بالعربي و من بريطانيا ، كانت أول مرة اسمع فيها عن الأكاديمية العربية البريطانية للتعليم العالي . و لما دخلت على اللينك و قرأت المكتوب مصدقتش ، فكملت و قرأت الباقي و لقيت روابط كمان فيها المناهج دخلت عليهم وشوفتها و شوفت محتوياتها و الحقيقة اتفاجأت و فرحت جداً ، بس عشان اتأكد دخلت لمنطومة التواصل الإلكتروني و اتكلمت مع موظفة الدعم الفني و اللي ساعدتني جداً في كل استفساراتي ، عرفت إن الشهادة موثقة و معتمدة ، و إن الدراسة بالعربي بس في مصطلحات انجليزي ، و كمان مش بيتكتب في الشهادة إن الدراسة بالعربي لأن مافيش فرق بين العربي و الانجليزي من حيث المحتوى و المناهج يعني . عرفت إن نظام الدراسة سهل جداً و بسيط و فيه مرونة في كل شيئ ، و فهمت كمان إن الرسوم ممكن أدفعها بالتقسيط و دي كانت مفاجأة تانية ريحتني جداً . الحقيقة اتشجعت على التسجيل بجد و فعلاً سجلت .
و بعد ما خلصت الدراسة لقيت إني استفدت كتير جداً في حاجات كتير أوي أهم حاجة كانت حل مشاكل إعداد الميزانيات و حل مشاكل التدفق النقدي بكل أنواعهم . وتحديد القيمة الحقيقية لنسبة الاهلاك و الهدر و تحديد اسبابه و التقليل منه لأقصى الدرجات . و دا في حد ذاته صعب تحقيقة بدون التأثير على العملية الانتاجية . و تحليل النسب المالية في الشركة و دوران الأصول المالية و الثابتة . و حاجات كتييييير جداً تانية اتعلمتها بشكل احترافي ، حسيت اني حصلت على كنز من العلم في المجال دا فادني جداً بشكل حقيقي و واقعي و عملي مش مجرد حبر على ورق .
أعتقد لو كل اللي شغالين في مجال الإدارة المالية حصلوا على العلم دا و درسوا البرنامج دا بالذات أكيد أكيد أكيد كل المؤسسات بتاعتنا هاترتقي للأفضل و هتحقق نسب عالية جداً من الأرباح و هتزود دخل الموظف كمان و بالتالي كل المجتمع هايوصل لمراحل متقدمة في كل شيئ . و بجد بأتمنى إن كل اللي شغالين في التخصص دا يكون لهم الفرصة يدرسوا برنامج الماجستير التخصصي في الإدارة المالية من بريطانيا اللي بتقدمه الأكاديمية العربية البريطانية للتعليم العالي بالعربي و مش هيعاني من مشكلة اللغة اللي هي غالباً السبب الرئيسي في تعطيل استكمال دراستنا كلنا لأننا مع الأسف في تعليمنا كان الإهتمام باللغة ضعيف جداً بالنسبة لأي حد عايز يدرس شهادات دولية و الي بتستلزم التويفل أو الإليتس . و أنا عن نفسي بعرف كل زملائي في العمل بالبرنامج دا لأن في ناس كتير بيدوروا على فرصة زي دي بس محدش يعرف إنه موجود بالشكل دا . و عشان كدة دخلت أكتب هنا عنه عشان أساهم في إفادة الناس اللي عندهم طموح ، بجد إوعوا تفوتوا فرصة زي دي . هتحسوا بفرق كبير و ثقة في علمكم و خبراتكم و مهارتكم بشكل كبير هيلاحظه كل حد بيشتغل معاك و خاصة بعد ما تقدم إنجاز كبير في شغلك . سيرتي الذاتية بقى بالنسبة لي شيئ أعتز بيه و أفخر بوجود شهادتي ماجستير الإدارة المالية من بريطانيا فيه و بعده حجم إنجازاتي الربع سنوية اللي في تزايد مستمر خلال السنة الي فاتت كلها .
منكل قلبي بأشكل كل فريق العمل اللي في الأكاديمية العربية البريطانية للتعليم العالي ، و بجد لولاكم ما قفزت هذه القفزة الكبيرة ، إنتم بجد كنتم نقطة تحول في حياتي المهنية للأفضل . أشكركم من كل قلبي و بأتمنى لكم التوفيق و الانتشار و إفادة كل العرب بكل فئاتهم و جنسياتهم و أجناسهم و أعمارهم في كل المجالات المهنية . بارك الله بكم .